Aðalfundur knattspyrnudeildar UMF Leiknis 
verður haldinn á kaffistofu slökkvistöðvarinnar hér á Búðum á miðvikudagskvöldið, 17. marz kl 21:00.
Venjuleg aðalfundarstörf.
Allir velkomnir.  Mætum og ræðum kúrsinn í knattspyrnunni!

                                             Knattspyrnuráð UMF Leiknis




Aðalfundi Fjarðabyggðar/Leiknis hefur verið frestað til
 mánudagsins, 22. marz kl 17:30.
Hann verður haldinn í Grunnskólanum Reyðarfirði.
Venjuleg aðalfundarstörf.
Fundurinn er öllum opinn!

                                     Stjórn Fjarðabyggðar/Leiknis

Helgina 5.-7.mars fóru 25 strákar úr 4.flokki Fjarðabyggðar/Leiknis til Akureyrar á Greifamótið. Tvö lið voru skráð til leiks A- og B-lið og stóðu sig bæði vel.

Mótið hófst á föstudag með einum leik hjá hvoru liði. B-liðið tapaði 1-0 fyrir Fjölni 3.  Sárt tap, enda okkar menn talsvert betri.  A-liðið spilaði á móti Völsungi og vann 6-0.

Á laugardag átti A-liðið fyrsta leik klukkan 09:00 á móti KS/Leiftur. Strákarnir okkar voru og unnu 0-2.  B-liðið tók næst á móti Þórsurum og töpuðu aftur 1-0 og enn voru strákarnir meira með boltann og verðskulduðu betri úrslit.  Þá var komið að úrslitaleik við KA um 1 sæti í riðli 2 hjá A-liðum. Leikurinn var nokkuð jafn en snöggur framherji KA manna kláraði leikinn með 2 mörkum, KA - Fjarðabyggð 2-0. Eftir leikinn var ljóst að við færum í undanúrslit og myndum mæta þar Fjölni 1. Sá leikur einkenndist af áhugaleysi hjá okkar mönnum og ekki var að sjá að við værum að spila um að komast í úrslitaleikinn. Lokatölur Fjölnir - Fjarðabyggð 3-0  og því leikur um þriðja sætið staðreynd.  Seinasti leikur laugardagsins hjá B-liðinu var gegn Völsungi og endaði með sigri okkar manna 6-0 og loksins komu mörkin sem höfðu staðið á sér fram að þessu.

Sunnudagurinn var tekin snemma en fyrsti leikurinn hófst klukkan 08:00 hjá B-liðinu, KA - Fjarðabyggð. Strákarnir unnu leikinn 0-2.  Þetta var besti leikurinn hjá B-liðinu og var mikil barátta í okkar mönnum og ljóst að þeir ætluðu sér sigur. Næsta leik átti B-liðið líka og núna á móti Fjölni 2. Greinilegt var að þreyta var í strákunum eftir KA leikinn og töpuðu þeir 3-0. Næst var komið að leik við Þór um 3ja sætið hjá A-liðinu. Strákarnir sýndu það að þeir væru ekki komnir með nóg og vildu sigur og  medalíu. Leikurinn endaði með sigri Fjarðabyggðar 0-1. Mark okkar manna kom eftir góðan samleik þar sem miðjumaður skaut sér í gegnum vörn Þórs og kláraði með góðu skoti. Þórsarar áttu gott færi í lok leiksins en við björguðum á línu og 3ja sætið var okkar.  B-liðið endaði með 2-1 sigri á Fjölni 1, þrátt fyrir að þetta væri þriðji leikurinn dagsins hjá þeim.  Það þýddi að B-liðið endaði í fjórða sæti en hefði átt að enda ofar miðað við frammistöðu.

Hér að neðan má sjá lokastöðuna:

Lokaröð A-liða:
1.KA 1
2.Fjölnir
3.Fjarðabyggð
4.Þór
5.KS/Leiftur
6.Völsungur
7.KA 2
8.BÍ

Lokaröð B-liða:
1.Fjölnir 3
2.Fjölnir 2
3.Þór
4.Fjarðabyggð
5.KA
6.-7. Fjölnir 1
6.-7. Völsungur


A-liðið


B-liðið